Quyida maxfiylik siyosatimizga qisqacha kirish taqdim etiladi

P&G hisob qaydnomangiz siz ro‘yxatdan o‘tgan mamlakatga bog‘liq tarzda ma’lumotlaringizga kirish, ularni yangilash yoki ma’lumotlariningizni o‘chirib tashlash imkoniyatini berishi mumkin.

Aks holda siz kirish, o‘chirish, tuzatish, marketingga oid xatlar yoki matnli xabarlar olishdan voz kechish va yoxud e-pochta manzilingiz yoki telefon raqamingizdan reklama maqsadida foydalanishga e’tiroz bildirish uchun bu yerni bosing.

Siz shunday xabarlar bilan birga yuborilgan rad qilish bo‘yicha ko‘rsatmalarga amal qilgan holda, bizdan o‘zingizga elektron xatlar va matnli xabarlarni yuborishni to‘xtatishni ham so‘rashingiz mumkin. Shuni yodda tutingki, siz tanlagan narsalarni hisobga olish uchun muayyan ma’lumotlarni saqlashimiz zarur bo‘lishi mumkin (masalan, agar bizga marketingga oid e-pochta xabarlarini yuborishni to‘xtatishni aytsangiz, ushbu e-pochta manziliga bundan buyon marketingga oid xabarlar yuborilishini istamayotganingizni tizimlarimiz eslab qolishi uchun bizga e-pochta manzilingiz kerak bo‘ladi).

Bundan tashqari so‘rovingizni biz qondira olmaydigan vaziyatlar ham bo‘lishi mumkin (masalan, biz tranzaksiyalar haqidagi ma’lumotlarni saqlashga yoki qallobliklarning oldini olish, xavfsizlikni ta’minlash yoki boshqa narsalar qatori o‘zga kishilarning maxfiyligini himoya qilishga qonuniy haqqimiz bo‘la turib, ularni yo‘q qilish).

Foyda olish ko‘zlangan an’anaviy reklamalarni olishni qanday to‘xtatishingiz mumkinligi to‘g‘risida P&G’ning foyda olish ko‘zlangan reklamalarini to‘xtatish uchun bu yerni bosing yoki saytlarimizdan birortasida AdChoices tasvirchasi ustiga bosishingiz mumkin. Yevropa uchun bu yerni bosishingiz mumkin. Barcha reklama hamkorlarimizdan voz kechganingizga ishonch hosil qiling:

• Tapad

• TradeDesk

• MediaMath

• Neustar

• Facebook

• Amazon

• Google

• Liveramp

Siz yana brauzeringizdagi cookie fayllarini rad qilgan, odatda ilovalarni o‘rnatishda mavjud bo‘ladigan "ma’lumotlarga kirish huquqini" rad qilgan holda yoki qurilmangizda reklamani kuzatib borish parametrlarini sozlash yo‘li bilan saytlardagi shaxsiylashtirilgan reklamani tarqatishni taqiqlashingiz mumkin. Agar siz e-pochta manzilingiz yoki telefon raqamingizni bizga marketing maqsadlarida bergan bo‘lsangiz, ular orqali shaxsiy qiziqishlaringizga mos reklamalar ham olib turishingiz mumkinligini yodda tuting. Bunday foydalanishdan voz kechish uchun bizga murojaat qiling.

Siz foyda olish ko‘zlangan reklamalardan voz kechgan bo‘lsangiz ham “kontekstual” reklamalarni ko‘raverasiz Biz sizga shaxsiylashtirilgan reklama e’lonlarini yuborishni to‘xtatsak ham siz o‘z kompyuteringiz yoki mobil qurilmalaringizda brendlarimizdan e’lonlar olaverasiz. Bu e’lonlar siz tashrif buyuradigan saytlarning kontekstiga asoslanadi va ular kontekstli e’lonlar deb ataladi. Siz kompyuteringizda yoki mobil telefoningizda tashrif buyuradigan sahifalarga asoslanuvchi shaxsiylashtirilgan reklamadan farq qilgan holda kontekstli e’lonlar — bu siz tashrif buyuradigan aniq bir sayt konteksti asosida sizga ko‘rsatiladigan e’lonlardir. Masalan, siz Internetda bolalarga mo‘ljallangan tovarlarni ko‘ra turib bola parvarishi bo‘yicha tovar brendlarimizdan birining reklamasini ko‘rasiz, chunki bu saytlarga an’anaga ko‘ra asosan yosh ota-onalar yoki yaqinda ota-ona bo‘ladiganlar tashrif buyuradilar. Siz yana shuni bilishingiz kerakki, biz hali ham kompyuteringiz yoki qurilmangizdan ma’lumotlar to‘plashimiz va ulardan veb-saytlarimizning ishlashini baholash, iste’molchilar ehtiyojini o‘rganish yoki firibgarlikni aniqlash kabi boshqa maqsadlarda foydalanishimiz mumkin.

Cookie fayllarini o‘chirib tashlash voz kechganingizni ham bekor qiladi Siz shaxsiylashtirilgan reklamadan voz kechganingizda biz szning brauzeringizga rad qilishning cookie faylini yuboramiz, u bizga sizning bizdan boshqa shaxsiylashtirilgan reklama e’lonlarini olishni xohlamasligingizdan dalolat beradi. Agar siz barcha cookie fayllarini o‘chirishga qaror qilsangiz, bu rad qilish cookie fayli o‘chiriladi. Bu shuni anglatadiki, agar siz baribir shaxsiylashtirilgan reklamani olishni xohlamasangiz, rad qilish jarayonini qaytadan bajarishingizga to‘g‘ri keladi.

Kirish Yoki O‘chirish Xulq-atvorga oid onlayn reklama uchun foydalaniladigan, o‘z ichiga, masalan, cookie fayllari yoki qurilmalarning identifikatorlari yordamida olishimiz mumkin bo‘lgan va sizga tegishli reklama e’lonlarini yuborishda foydalaniladigan ma’lumotlarni oluvchi shaxsiy ma’lumotlarga nisbatan kirish yoki o‘chirish so‘rovi yuborish uchun biz bilan bu yerda yerda bog‘laning. So‘rovingizni ko‘rib chiqish uchun sizdan quyidagi identifikatorlardan birini taqdim etishingizni soʻraymiz:

• Xizmat ko‘rsatuvchilarimizdan olinadigan cookie fayllaringiz identifikatorlari: Tapad, Neustar, MediaMath va TheTradeDesk.

• Mobil reklama identifikatorlaringiz (IDFA va Android ID).

• Ulangan TV taʼminotchisi sizga taqdim etgan yagona identifikator boʻlgan TV qurilmangizning reklama identifikatori, masalan, reklama uchun Roku ID.

Biz sizning tadqiqotlarimizda ishtirokingiz vaqtida olishimiz mumkin bo‘lgan shaxsiy ma’lumotlarga nisbatan so‘rov yuborish uchun rozilik shaklingizda ko‘rsatilgan kontakt ma’lumotlariga murojaat qiling, qo‘ng‘iroq qiling yoki o‘zingizning marketing tadqiqotlari markazingizga tashrif buyuring.

Agar Kaliforniya shtatida yashayotgan bo‘lsangiz, biz siz haqingizda saqlayotgan ma’lumotlarni kirib ko‘rishingiz, shaxsiy ma’lumotlarga qanday ishlov berishimiz haqidagi tafsilotlarini so‘rab olishingiz, bizdan ma’lumotlaringizni o‘chirib tashlashni iltimos qilishingiz yoki shaxsiy ma’lumotlaringizni bundan buyon “sotmaslik”ni (“sotish”ga CCPA’da ta’rif berilgani kabi) talab qilishingiz mumkin. Qo‘shimcha ma’lumot olish va bunday huquqdan foydalanish uchun bu yerni bosing.

Agar siz EEA yoki Buyuk Britaniyada yashasangiz yoxud EEA yoki Buyuk Britaniyada bo‘lib turgan bo‘lsangiz, bizda siz haqingizda mavjud bo‘lgan shaxsiy ma’lumotlarga kirishingiz, aniq bo‘lmagan, eskirgan yoki bundan buyon kerak bo‘lmaydigan ma’lumotlarning tuzatilishi, o‘chirilishi yoki cheklanishini talab qilishingiz va bizdan ma’lumotlaringizni boshqa xizmat provayderiga o‘tkazishingizga imkon beruvchi formatda taqdim etishimizni so‘rashingiz mumkin. Siz shaxsiy ma’lumotlaringizni qayta ishlashda biz sizning roziligingizga tayanadigan joylarda istalgan vaqtda roziligingizni chaqirib olishingiz mumkin. Va qayta ishlash bizning qonuniy manfaatlarimizga asoslanadigan hollarda (bu bizning ma’lumotlardan foydalanish uchun sababga egaligimizni anglatadi) shaxsiy ma’lumotlaringizni qayta ishlashimizga e’tiroz bildirishingiz mumkin (bu bizdan ularni qayta ishlashni to‘xtatishni so‘rashingizni anglatadi).

So‘rov berish uchun bu yerni bosing.

Agar siz ma‘lumotlarni himoya qilish va umuman shaxsiy ma‘lumotlarga oid huquqlaringiz to‘g‘risida ko‘proq ma‘lumotlar olishni xohlasangiz, Yevropa Ma’lumotlarini himoya qilish bo‘yicha nazoratchining https://edps.europa.eu/data-protection/ yoki Buyuk Britaniyaning Axborot komissari ofisi saytiga https://ico.org.uk kiring. Agar siz talabingizga javobimizdan qoniqmagan bo‘lsangiz, mamlakatingizdagi ma’lumotlarni himoya qilish bo‘yicha vakolatli organga shikoyat qilishingiz mumkin.

Procter and Gamble España SA Ispaniyaning ma’lumotlarni ro‘yxatga olish agentligida rasman ro‘yxatdan o‘tgan “Ma’lumotlarni AUTOCONTROL’da himoya qilish bo‘yicha axloq kodeksi”ga rioya qiladi, shuning uchun unga saytda qiziqqan odamlar uchun mavjud bo‘lgan hamda ma’lumotlarni himoyalash va reklama bilan bog‘liq ma’lumotlarni qayta ishlashga oid shikoyatlarni ko‘rib chiqishning suddan tashqari tizimi qo‘llaniladi www.autocontrol.es.

Agar siz professional stomatolog bo'lsangiz va https://www.dentalcare.com kabi advokatlik dasturlaridan biri orqali o'zingiz haqingizda ma'lumot bergan bo'lsangiz, mahalliy P&G vakili bilan bog'laning yoki Oral-B orqali murojaat qiling.

Biz siz haqingizdagi ma’lumotlarni turli joylardan ko‘pgina usullarda to‘playmiz. Biz to‘playdigan ma’lumotlardan ayrimlari sizni tanitishda foydalanish mumkin bo‘lgan shaxsiy ma’lumotlarni o‘z ichiga olishi mumkin; masalan, ismingiz, elektron pochta manzilingiz, telefon raqamingiz yoki pochta manzilingiz. EEA’dagi va Buyuk Britaniya kabi ayrim mamlakatlar yoki Kaliforniya kabi shtatlarda IP-manzil yoki cookie fayli va mobil qurilma identifikatorlari kabi narsalar ham shaxsiy ma’lumotlar deb hisoblanadi.

Yodda tuting: Biz Sizga eng yaxshi mahsulotlar, xizmatlar va yuqori xizmat ko‘rsatish sifatini taqdim etish uchun siz to‘g‘ringizda to‘playdigan barcha ma’lumotlarni birlashtirishimiz mumkin.

Siz saytlarimiz yoki mobil ilovalarimiz orqali hisob qaydnomasi ochish uchun ro‘yxatdan o‘tayotgtaningizda yoki telefon va yoxud elektron pochta orqali biz bilan bog‘lanayotganingizda, shaxsiy ma’lumotlaringizni bizga taqdim etasiz. Biz Sizdan ismingiz, elektron pochta manzilingiz yoki pochta manzilingiz, tug‘ilgan sanangiz, to‘lov ma’lumotlari, yoshingiz, jinsingiz, oilangizdagi kishilar soni hamda bizning mahsulotlarimiz va xizmatlarimiz haqidagi ma’lumotlarni Sizga, masalan, Sizning uy manzilingizga, elektron pochta manzilingizga yoki matnli xabar orqali yuborishimizni xohlashingiz yoki yo‘qligi kabi ma’lumotlarni bizga taqdim etishingizni so‘rashimiz mumkin.

Biz Siz saytlarimizga tashrif buyurganingizda, e’lonlarimizni ko‘rganingizda yoki mahsulotlarimiz yoki xizmatlarimizdan foydalanganingizda ma’lumotlarni avtomatik tarzda to‘playdigan texnologiyalardan foydalanishimiz mumkin. Masalan, biz sizning qanday brauzerdan va operatsion tizimdan foydalanishingiz, IP-manzilingiz, siz tashrif buyuradigan veb-sahifalar, siz o‘tgan havolalarni hamda xatimizni ochganingiz yoki yo‘qligi to‘g‘risidagi ma’lumotlarni bilish uchun cookie fayllaridan (kompyuteringiz brauzerida saqlanuvchi kichkina fayl) foydalanamiz.

Sizga eng yaxshi xizmat ko‘rsatish uchun biz telefoningizdan (mobil ilovalarimizdan foydalanilgan hollarda) va uyingizdagi "aqlli" qurilmalardan ma’lumotlar to‘plovchi texnologiyalardan foydalanishimiz mumkin. Ilovani yuklab olishda va Internetga ularnuvchi maishiy qurilmalarni o‘rnatishda bunday ma’lumotlarni berishga rozi bo‘lasiz. Bu ma’lumotlar mobil telefoningiz yoki qurilmaning boshqa identifikatori, telefoningiz operatsion tizimi, siz tomoningizdan bunday ilovadan yoki qurilmadan foydalanilishi hamda joylashgan joyingiz haqidagi ma’lumotni o‘z ichiga olishi mumkin. Telefoningizda yoki qurilmada siz suzib chiquvchi bildirishnomani olasiz, u sizga biz tomonimizdan sizning aniq geolokatsiyangizni (siz joylashgan yoki Internetga kiradigan joy) aniqlashimizga ruxsat berish yoki rad qilishga imkon beradi.

Biz kompaniyalar bizga beradigan yoki sotadigan ma’lumotlardan foydalanishimiz mumkin. Masalan, siz telekommunikatsiya xizmatlarini olish yoki chakana savdo do‘konlari uchun sodiqlik bo‘yicha bonus dasturida qatnashishdagi yozishmalarda boshqa kompaniyaning bizga shaxsiy ma’lumotlaringizni berishiga rozilik berasiz. Biz yana ma’lumotlarni siz bunday ma’lumotlarning hammabopligini biladigan joylardan, masalan, internet-xabarlar, bloglardagi yozuvlar yoki ijtimoiy tarmoq saytlaridan ham to‘plashimiz mumkin. Biz yana ma’lumotlarni hammabop ma’lumotlar bazasidan (tegishli mahalliy qonun talablariga muvofiq) yoki siz bunday ma’lumotlardan foydalanishingizga, jumladan, ma’lumotlaringizdan biz foydalanishimizga ham rozilik berishingiz bilan ma’lumotlarni olgan holda o‘zingiz haqingizdagi ma’lumotlarni to‘plash va jamlash bilan shug‘ullanuvchi iste’molchilar ma’lumotlarini qayta sotuvchi boshqa kompaniyalardan ham olishimiz mumkin. Bular daromad darajangiz, yoshingiz, jinsingiz, oilangiz a’zolarining soni va siz internetda yoki yaqin-atrofdagi do‘konlardan xarid qiladigan mahsulotlar haqidagi ma’lumotlar bo‘lishi mumkin.

Biz ma’lumotlardan maqsadlarimiz — butun dunyo bo‘ylab siz kabi kishilarning hayotiga ta’sir qilish va uni yaxshilashga erishish uchun foydalanamiz.

Masalan, biz siz haqingizdagi ma’lumotlardan quyidagi maqsadlarda foydalanamiz:

• Sizga xizmatlar ko‘rsatish

• Sizni turli marketing dasturlarimiz va veb-saytlarimizda tanib olish va haqiqiyliginizni tekshirish

• Sizning ma’lumotlar olish to‘g‘risidagi savollaringiz yoki talablaringizga javob qaytarish

• Mijozlar xizmatini ko‘rtsatish

• Tranzaksiyalarga oid xabarlar (bank hisobidan ko‘chirmalar yoki tasdiqnomalar kabi) yuborish

• Marketing xabarlari, so‘rovnoma va taklifnomalar jo‘natish

• Bizdan sotib olayotgan mahsulotlaringiz uchun to‘lovingizni qayta ishlash

• Qoplab berishlar va yig‘imlarni qayta ishlash

• Sizga o‘zingiz so‘ragan mahsulot yoki namunalarni yuborish

• P&G saytingizni yoki ilova parametrlarini boshqarishda sizga yordam berish

• Tanlovlar yoki lotereyalarda qatnashishingizga ruxsat berish

• Ijtimoiy tarmoqlarda siz bilan muloqot qilish

• Qiziqishlaringiz va afzalliklaringizni yaxshiroq tushunib olish hamda sizga va siz kabi boshqalarga tegishli takliflar va aloqa vositalari bilan xizmat qilish

• Sizga mos reklamalarni taqdim etadi va boshqalarga esa o‘xshash auditoriyalar orqali mos reklamalarni ko‘rsatadi. Masalan, agar siz AQShdagi kir yuvish vositalarining marketingga oid e-pochta xabarlariga obuna bo‘lsangiz, biz Fransiyada Facebook’dagi heshlangan e-pochta manzilingizni yuklashda Facebook talqiniga ko‘ra sizga “o‘xshash” bo‘lgan iste’molchilarni topish va ularga ham Facebook’dagi reklamani ko‘rsatish uchun yordam berishimiz mumkin.

Biz yana ma’lumotlaringizdan quyidagi ichki biznes maqsadlarida ham foydalanamiz:

• Sifat nazorati, trening va tahlil

• Xavfsizlikni saqlash va tekshirish

• Tizim va texnologiyalarni boshqarish, jumladan, veb-saytlarimiz va ilova dasturlarimizni optimallashtirish

• Xavfsizlik maqsadlari, jumladan, tahdidlarni aniqlash hamda zararli va qalloblik xatti-harakatlaridan himoya qilish I

• Iste’molchilar bilan hisob-kitob yuritish va audit, jumladan, tranzaksiyalar to‘g‘risidagi ma’lumotlarning bir qismi sifatida saqlanadigan jurnallar va yozuvlar borasida muloqot qilish

• Xatarlarni boshqarish, audit, surishtiruvlar, hisobot hamda boshqa qonuniy va muvofiqlik sabablari

Shaxsiy ma’lumotlaringizdan sizni yaxshiroq tushunish uchun foydalanishimiz ham mumkin, jumladan:

• Ichki tadqiqotlar uchun

• Iste’molchilarimizni xursand qiladigan mahsulotlar, xizmatlar va dasturlarni ishlab chiqish va ishlab chiqarish

• Istiqbolli iste’molchilarni aniqlash

Biz yana moliyaviy rag‘batlanitish, mukofotlash, chegirmalar (masalan, narxlar yoki xizmatlarga kuponlar) berish va sodiqlik dasturlarini (umumiy qilib “Mukofot dasturlari” deb ataladi) boshqarish va qo‘llab-quvvatlash uchun ma’lumotlaringizni to‘playmiz va ulardan foydalanamiz, jumladan, uchinchi tomonlar bergan ma’lumotlardan (masalan, “Do‘stga tavsiya qilish” dasturidan) ham foydalanamiz. Biz siz bergan ma’lumotlardan ushbu dasturlarda kimligingizni aniqlash, o‘ziga xos mukofotlar taklif etish, dasturingiz holatini kuzatib borish hamda mahsulotlar, reklama materiallari, o‘quv seminarlari va boshqa narsalar uchun dasturlar bandlarini almashishni osonlashtirish uchun foydalanamiz. Agar siz Mukofotlar daturlarimizda qatnashishga rozilik bersangiz, ushbu Maxfiylik siyosatidagi kontakt ma’lumotlaridan foydalangan holda biz bilan bog‘lanib yoki Mukofotlar dasturining tegishli shartlari va qoidalarida belgilangan ko‘rsatmalarga ko‘ra o‘sha rozilikni istalgan vaqtda bekor qillishingiz mumkin. Biz Mukofotlar dasturlarimiz qatnashchilaridan olgan yoki ularga tegishli ma’lumotlardan istalgan maqsaqlar uchun yoki ushbu Maxfiylik siyosatida bayon qilingan boshqa har qanday usul orqali foydalanishimiz mumkin. Biz Kaliforniya shtatining “Iste’molchilar shaxsiy ma’lumotlari daxlsizligi to‘g‘risida”gi (“CCPA”) qonuniga asosan Mukofotlar dasturlari uchun shaxsiy ma’lumotlaringiz qiymatini qanday hisoblab chiqishimiz xususida qo‘shimcha ma’lumot olish uchun

Cookie fayllari siz internet tarmog‘ini kezayotganingizda kompyuteringizga yuboriladigan kichik fayllardir. Ular siz o‘zingiz kirgan veb-saytlar bilan qanday muloqot qilganingiz haqidagi foydali ma’lumotlarni saqlaydi. Cookie fayllari kompyuteringiz, qurilmangiz yoki fayllaringizda saqlanayotgan hech qanday ma’lumotlarni to‘plamaydi. Cookie fayllarida sizni shaxs sifatida tanib olish mumkin bo‘lgan hech qanday ma’lumot mavjud emas. Cookie fayllari kompyuteringiz va qurilmangizni hech qachon, masalan, Karim A. Salimov qabilida emas, tasodifan berilgan raqam va harflar (masalan, ID cookie ABC12345) sifatida ko‘rsatadi.

Biz cookie fayllaridan quyidagi kabi bir necha maqsadlarda foydalanamiz:

• tegishli reklamani taqdim etish

• Sizning P&G kompaniyasi ma’lumotlari bilan qanday o‘zaro aloqa qilishingiz haqida ko‘proq bilish

• veb-saytlarimizga tashrif buyurganingizda tajribangizni yaxshilashimizga yordam berish

• til va mintaqa kabi Sizning afzalliklarini eslab qolish, bu har bir tashrif buyurish vaqtida veb-saytni sozlash zaruriyatini istisno qilishga imkon beradi

• xatolarni aniqlash va bartaraf qilish

• veb-saytlarimizning qanchalik darajada samarali ekanligini tahlil qilish

Qat’iy zarur Ushbu cookie fayllari sahifani yuklash imkonini beradi yoki ayrim funksiya bilan ta’minlaydi, busiz sahifa ishlamaydi (masalan, ma’lumotlaringizni xarid savatida saqlash).

Ekspluatatsiya cookie fayllari Cookie fayllari saytlarga yana ularga qaytganingizda siz nimalarni ma’qul ko‘rishingizni eslashga imkon beradi. Masalan, agar siz birinchi tashrif buyurishda saytni fransuz tilida ko‘rsatishni tanlasangiz, keyingi safar saytga qaytganingizda sayt avtomatik ravishda fransuz tilida ko‘rsatiladi. Shunday qilib har safar til bo‘yicha afzal ko‘rilgan variantni tanlashingiz shart bo‘lmaydi, bu esa saytdan foydalanishni oson va samarali qiladi.

Reklama cookie fayllari Bu cookie fayllaridan umumiy holda afzal ko‘rganlaringiz haqida, masalan, siz tashrif buyuradigan veb-saytlar va siz xarid qiladigan mahsulotlar haqida bilish uchun foydalanish mumkin. Bu sizning yoshingiz, oilaviy holatingiz va nechta farzandingiz borligi haqida bilishimizga ham yordam beradi. Bu ma’lumotlar sizga yaxshiroq darajada mos keluvchi yoki ko‘proq yoquvchi mahsulotlar va xizmatlar reklamasini yuborishimizga imkon beradi. Bu bitta reklamaning takrorlanishlar sonini cheklashimizga ham imkon beradi.

Tahlil cookie fayllari Bu cookie fayllari veb-saytlarimizning qanday ishlashini bilishimizga imkon beradi. Ko‘pgina hollarda saytlarimizning unumdorligini monitoring qilish uchun biz Google Analytics xizmatining analitik cookie fayllaridan foydalanamiz. Google Analytics to‘plagan saytlarimizga kirishingiz haqidagi ma’lumotlardan foydalanish va ularni uzatish imkoniyatimiz Google Analytics Foydalanish shartlari va Google Maxfiylik siyosati bilan cheklangan.

Siz brauzeringizni barcha cookie fayllarini o‘chirib qo‘yish yoki kompyuteringizga cookie faylini yuborishda bu haqida xabar qilishga sozlashingiz mumkin. Biroq bu saytlarimiz yoki xizmatlarimizning ishlashiga xalaqit berishi mumkin. Siz o‘z brauzeringizni o‘zingiz ko‘rishni yakunlagandan keyin cookie fayllarini o‘chirib tashlashga sozlashingiz ham mumkin.

Siz hamkorlarimizning saytlariga tashrif buyurganingizda biz sizga o‘zimiz siz ko‘rishni xohlaydi, deb o‘ylagan reklama yoki boshqa kontentni ko‘rsatishimiz mumkin. Masalan, agar siz bolalar kiyimlari yoki maktab o‘quv qurollari sotiladigan saytlarga tashrif buyursangiz, siz Tide® kir yuvish kukuni reklamasini olishingiz mumkin. Bu ma’lumotlardan biz sizning farzandlaringiz bor va shuning uchun ham sizni kir yuvish uchun samarali vositalar qiziqtirishi mumkin, degan xulosa chiqarishimiz mumkin. Shunday qilib bizning maqsadimiz — sizga siz uchun foydali bo‘lishi mumkin bo‘lgan mahsulotlarimiz haqidagi tegishli ma’lumotlarni yuborishdan iborat.

Biz o‘xshash qiziqishlarga ega iste’molchilar guruhlari tajribasidan o‘qib-o‘rganamiz Biz sizni bir xil qiziqishlarni namoyon qiluvchi iste’molchilarning ma’lum guruhiga joylashtirishimiz mumkin. Masalan, agar siz internetda tez-tez soqol olish uskunalari xarid qilsangiz, biz sizni "soqol olish uskunalari ishqibozlari" guruhiga qo‘shishimiz mumkin yoki agar biz sizni onlayn-kuponlardan foydalanishingiz yoki chegirmalar yoxud arzon sotuvlarni izlashingizni payqasak, siz "foydali xaridlar sevuvchisiga" aylanishingiz mumkin. Biz siz haqingizdagi bunday ma’lumotlarni veb-sahifalarga kirganingizda, saytlarimizdagi havolalar bo‘ylab o‘tganingizda, boshqa veb-saytlarga tashrif buyurganingizda, mobil ilovalardan foydalanganingizda yoki elektron xatlarni o‘qiganingizda va ulardagi havolalarni bosganingizda to‘playmiz. Biz onlayn va/yoki oflayn rejimda o‘xshash tarzda harakat qiluvchi iste’molchilar guruhining umumiy moyilliklari, odatlari va xususiyatlari haqida bilish uchun cookie fayllari bilan qurilmalar identifikatorlarini birlashtiramiz. Shunday qilgan holda biz ularga fikrimizga ko‘ra ular uchun dolzarb va foydali bo‘lgan mahsulotlar va ma’lumotlarni yuborgan holda guruhda mavjud bo‘lgan iste’molchilarga "o‘xshash" bo‘lgan boshqa ko‘pgina iste’molchilarni topishimiz va ularga xizmat ko‘rsatishimiz mumkin.

Biz boshqa ma’lumotlarni cookie fayllaringiz va qurilmangiz identifikatorlariga bog‘laymiz Sizning cookie fayllaringiz va qurilmalaringiz identifikatorlari boshqa ma’lumotlar, masalan, siz oflayn tarzda xarid qiladigan mahsulotlar haqidagi ma’lumotlar yoki o‘zingiz saytlarimizda qayd hisobini yaratganingizda bizga bevosita taqdim etgan ma’lumotlar bilan to‘ldirilishi mumkin. Biz odatda buni sizning shaxsingizni bevosita tanitmaydigan usulda amalga oshiramiz. Masalan, biz cookie fayli identifikatori ABC12345 ning veb-saytga tashrif buyurishlar, yosh, jins va xaridorlik odatlari asosida soqol olish uskunasi ishqibozlari guruhiga tegishli ekanligini bilishimiz mumkin, biroq bu odamning ismi yoki manzilini yoxud uning shaxsini tanitishi mumkin bo‘lgan boshqa biror-bir ma’lumotni bila olmaymiz. Agar biz cookie fayllari yoki qurilmalar identifikatorlari (veb-sahifalar va ilovalarni ko‘rish tarixi) haqidagi shaxsan sizning ma’lumotlaringizni tanib olishni xohlasak, biz doimo bunga sizning roziligingizni so‘raymiz.

Biz sizni barcha kompyuter, planshet, telefon va qurilmalaringiz orqali bilib olishimiz mumkin Biz cookie fayli identifikatori ABC12345 ning o‘sha odam tomonidan foydalanilishi mumkin bo‘lgan yoki EFG15647 qurilma identifikatoriga ega bo‘lgan mobil telefon bilan bitta uyga o‘rnatilgan kompyuter ekanligini bilishimiz mumkin. Bu shuni anglatadiki, siz o‘z noutbukingizda tagliklar izlashingiz, Google qidiruvi natijalaridagi biz homiylik qiladigan havolaga bosishingiz, keyin esa mobil telefoningizda bizning Pampers® tagliklarimiz reklamasini ko‘rishingiz mumkin. Masalan, ularning har kuni bir vaqtda bitta Wi-Fi tarmoqqa ulanishlari tufayli biz berilgan kompyuter va telefonga aynan bitta odam egalik qiladi, deb faraz qilishimiz va shunday xulosaga kelishimiz mumkin. Bitta odam yoki oilaning qanday qurilmalardan foydalanishini tushinish bitta reklamani sizning barcha qurilmalaringizda takrorlashlar sonini cheklashimizga yordam beradi. Bu muhimdir, chunki shu yoʻl orqali biz sizga bitta reklamani ko‘p marta yuborganimizda jahlingiz chiqmaydi va biz o‘zimizga kerakli bo‘lmagan bunday takrorlanuvchi e’lonlar uchun to‘lamaymiz.

Manzilli reklama Siz saytlarimiz yoki ilovalarimiz orqali bizga shaxsiy ma’lumotlaringizni taqdim etganingizda o‘zimiz sizga yoqishi mumkin deb o‘ylagan reklamalarni sizga ko‘rsatish uchun o‘sha ma’lumotlarni shifrlashdan – yoki almashtirilgan identifikatordan foydalanamiz. Odatda biz buni bozoringiz uchun dolzarb bo‘lgan va siz reklama sohasini taklif qiluvchi platformada (mas., Facebook, YouTube, Instagram, TikTok kabi) bizga taqdim etgan bo‘lishingiz mumkin bo‘lgan elektron pochta manzilingiz, telefon raqamingiz yoki mobil reklama identifikatoringizning shifrlangan nusxasini yuklash orqali qilamiz. Ochiq veb deb ataluvchi platforma orqali sizga reklamalarni ko‘rsatish uchun ham biz o‘sha ma’lumotlardan foydalanamiz. Bu sizning saytlar, ilovalar yoki o‘z reklama resurslarining onlayn auksionlarida qatnashuvchi raqamli televideniye kabi boshqa joylarda bizdan tegishli reklamalarni ko‘rishingiz mumkinligini anglatadi.

Kengaytirilgan moslashtirish Saytlarimizdan ayrimlari Ijtimoiy tarmoq platformalari tomonidan ularning reklama beruvchilariga taklif etiluvchi Kengaytirilgan moslashtirish xususiyatidan foydalanadi (Mas.Facebook’ning Kengaytirilgan moslashtirish, TikTok’ning Kengaytirilgan moslashtirish va hok.).  Kengaytirilgan moslashtirish xususiyati orqali biz siz saytimizdagi shakl kataklari orqali kiritadigan ma’lumotlarni (masalan, ismingiz, elektron pochta manzilingiz yoki telefon raqamingiz, ya’ni maxfiy yoki maxsus ma’lumotlar toifasi boʻlmagan ma’lumotlar) shifrlangan xeshlangan formatda Facebook’ga yuboramiz yoki Facebook pikseli sizni brauzer cookie fayllaringiz yoki qurilma ID’ingiz bilan bogʻlash uchun ma’lumotlarni avtomatik tarzda shifrlaydi va tortib oladi. Biz bu ishni tegishli Ijtimoiy tarmoq platformalaridagi reklamamizni yaxshiroq yoʻnaltirish va uning samaradorligini oʻlchash uchun amalga oshiramiz. Shu orqali agar biz sizga berilgan Ijtimoiy tarmoq platformasi orqali reklama qilsak, siz uni ochganingizni, saytimizga kirganingizni va biror narsa xarid qilgan yoki qilmaganingizni bilamiz va shu orqali o‘sha Ijtimoiy tarmoq platformasi reklamalarini sotib olishda davom etish yoki davom etmaslikni oʻylab koʻramiz.

Yaqinlikka asoslangan mayoqlar Mayoqlar siz o‘z telefoningizga o‘rnatadigan mobil ilovalarga yaqin masofalardan bir tomonlama signallar yuboradi va ular, masalan, ushbu do‘konda qaysi mahsulotlarning arzonlashtirilgan narxlarda sotilayotgani haqida xabar qiladi. Mayoqlar ma’lumotlarni faqatgina yetarlicha yaqin masofadan va siz aniq bir mayoq bilan bog‘liq bo‘lgan mobil ilovada o‘z roziligingizni berganingizdan keyin uzatadi. O‘z navbatida ilovalar reklamani siz uchun maxsus tarzda moslashtira olishimiz uchun bizga siz joylashgan joy haqidagi ma’lumotlarni taqdim etishi mumkin. Masalan, siz supermarketdagi teri parvarishi tovarlari bo‘limidagi mayoq yonida bo‘lganingizda biz sizga 4 dollar chegirmali kupon yuborishimiz mumkin.

Piksellar Bu veb-sahifaga ichki qurilgan kichkina ko‘zga ko‘rinmas obyektlardir. Ular yana "teglar", "veb-qo‘ng‘izchalar" yoki "pikselli gifkalar" nomlari bilan mashhur. Biz piksellardan cookie fayllarini kompyuteringizga yetkazib berish, veb-saytimizdagi faollikni kuzatib borish, saytlarimizda ro‘yxatdan o‘tishni osonlashtirish hamda onlayn-marketing uchun foydalanamiz. Biz sizning ularni ochishingizni aniqlash uchun piksellarni elektron pochta orqali reklama xabarlarimiz yoki axborot byulletenlarga kiritamiz.

Mobil qurilma identifikatorlari va SDK’lar Biz mobil ilovalarimizdagi dastur kodidan cookie fayllari Internetda ma’lumotlarni to‘plagani kabi ma’lumotlarni to‘plash uchun foydalanamiz. Bu ma’lumotlar, jumladan, mobil qurilmangiz identifikatorlari (IDFA iOS identifikatorlari va Android OT dagi reklama identifikatorlari) va ilovalarimizdan qanday foydalanishingiz haqidagi ma’lumotlarni o‘z ichiga oladi. Cookie fayllari kabi siz ilovamizdan foydalanganingizda biz avtomatik ravishda to‘playdigan qurilmangiz haqidagi ma’lumotlar hech qachon sizning shaxsingizni tanitmaydi. Qurilmangiz faqat raqamlar va harflarning tasofidiy to‘plami sifatida (masalan, reklama identifikatori EFG4567) ko‘rsatiladi va hech qachon Karim A. Salimov kabi ko‘rinishda ko‘rsatilmaydi.

Aniq geolokatsiya Siz mobil ilovalardan foydalanganingizda biz global joylashtirish tizimi (GPS) koordinatalari (uzunlik va kenglik) yordamida aniq joylashgan joyingiz haqidagi ma’lumotlarni olishimiz mumkin. Mobil telefoningiz yoki qurilmangizda siz joylashgan joyni biz tomonimizdan aniqlashga ruxsat berishingiz yoki rad qilishingizga imkon beruvchi qalqib chiquvchi bildirishnomani olasiz. Siz bizning har doim ham sizning qayerda joylashganligingiz (shahar, pochta indeksi yoki viloyat) to‘g‘risidagi ma’lumotlarni olish uchun sizning ruxsatingizni so‘rayvermasligimizni tushinishingiz kerak. Masalan, agar biz sizning Filippinning Malina shahrining qayeridadir ekanligingizni bilsak, biz buni joylashgan joyning aniq aniqlanishi, deb hisoblamaymiz.

Plaginlar Veb-saytlarimizda boshqa kompaniyalarning, jumladan ijtimoiy tarmoqlarning plaginlari mavjud bo‘lishi mumkin. Plaginga misol bo‘lib Facebook tarmog‘ining "Yoqtirish" tugmasi hisoblanadi. Ushbu plaginlar ma’lumotlar (masalan, siz tashrif buyurgan sahifaning URL manzili) to‘plashi va ularni yaratgan kompaniyaga qaytarib yuborishi mumkin. Bu siz hattoki plaginga bosmagan hollaringizda ham yuz berishi mumkin. Garchi ular bizning saytlarimizda ko‘rinsa ham bu plaginlar ularni yaratgan kompaniya maxfiylik siyosati va shartlari bilan boshqariladi. Ushbu ma’lumotlarni to’plash va uzatish maqsadida biz EEA va Buyuk Britaniyadagi saytlarimiz uchun ushbu ma’lumotlar nazoratchisi sifatida harakat qilamiz. Bunday plaginlar muhim bo‘lmagan cookie-fayllardir va siz cookie-fayllarini qabul qiladigan hollarda ular faqat EEA va Buyuk Britaniyadagi saytlarimizda ishlaydi.

Loginlar Veb-saytlarimiz boshqa kompaniyadagi qayd yozuvidan foydalangan holda, masalan, "Facebook orqali kirish" bilan avtorizatsiyadan o‘tishga imkon beradi. Bunday qilganingizda bizda faqat o‘zingiz rozilik bergan va boshqa kompaniya resursidagi (kirish uchun foydalaniluvchi) qayd yozuvingiz sozlamalaridan olish mumkin bo‘lgan ma’lumotlarnigina ko‘rish huquqi bo‘ladi.

Foydalanuvchi kontenti P&G kompaniyasining ayrim veb-saytlarida va ayrim ilovalarida foydalanuvchilar tanlovlar, bloglar, videoroliklar kabilar uchun o‘z kontentlarini joylashtirish imkoniyatiga ega bo‘ladilar. Shuni yodda tutingki, siz yuboradigan yoki chop qiladigan har qanday ma’lumot hammabop bo‘lib qoladi. Biz siz saytlarimiz va ilovalarimizga yuboradigan kontentdan boshqalarning qanday foydalanishlari mumkinligi ustidan nazoratni amalga oshirmaymiz. Biz bunday foydalanishning ushbu maxfiylik siyosati, qonunchilik yoki sizning shaxsiy maxfiyligingiz va xavfsizligingizni buzishi mumkinligi uchun javobgarlikni zimmamizga olmaymiz.

Havolalar P&G saytlarida nazoratimiz ostidan tashqarida bo‘lgan boshqa saytlarga havolalar mavjud bo‘lishi mumkin. Bu saytlarning faoliyati ularning o‘z maxfiylik siyosatlari va shartlari bilan tartibga solinadi.  

Sizning ruxsatingiz bilan ular biz sizni qiziqtirishi mumkin, deb hisoblaydigan takliflari, reklama aksiyalari yoki mahsulotlari yoxud xizmatlari haqidagi e’lonlarini sizga yubora olishlari uchun sizning ma’lumotlaringizni tanlangan hamkorlarimiz bilan baham ko‘rishimiz mumkin. Masalan, Pampers® kabi tagliklarimizni ishlab chiqaruvchi brendlarimizdan P&G elektron xatlarini oluvchi kishilar yana boshqa kompaniyalar ishlab chiqarayotgan bolalarning ovqatlanishi uchun aralashmalar to‘g‘risidagi ma’lumotlarni olishga rozilik berishi mumkin.

Veb-saytlarimiz va ilovalarimiz sizga mos reklama e’lonlari va takliflarni taqdim etishimizga yordam berish uchun xos identifikatorlar, ko‘zda tutilgan va olingan ma’lumotlar, onlayn va texnik ma’lumotlar va geolokatsiya ma’lumotlarini onlayn platformalar va reklama texnologiyalari kompaniyalari bilan baham ko‘rishlari mumkin.   Biz doimo o‘zimizning shunday qilishda rozilik va/yoki rad qilishni o‘z ichiga olishi mumkin bo‘lgan tegishli qonun talablariga amal qilishimizni kafolatlaymiz. Shaxsiy ma’lumotlaringizni P&G’dan tashqaridagi sotuvchilarga pul kompensatsiyasi evaziga sotmaymiz. Agar siz Kaliforniya shtatida istiqomat qilayoytgan bo‘lsangiz, qo‘shimcha ma’lumot olish uchun quyidagi maxfiylik siyosatining 

Biz ma’lumotlaringizni xizmat ta’minotchilari bilan bo‘lishishimiz mumkin, ular bizga biznesimizni yuritishda, jumladan, saytlarimiz hostingi, sizga elektron xatlar va marketing xabarlari yuborish, biz to‘playotgan ma’lumotlarni tahlil qilish, bizga savdo atributlari bilan ko‘maklashish (masalan, biz sizga reklamani ko‘rsatganimizdan, so‘ngra siz bizdan tovar xarid qilganingizdan xabar topish) va siz iltimos qilgan mahsulotlarni sizga jo‘natish va xizmatlarni ko‘rsatishda yordam beradi. Biz ma’lumotlaringizni yana yuristlar, auditorlar, maslahatchilar, axborot texnologiyalari va xavfsizlik firmalari hamda bizga xizmat ko‘rsatayotgan boshqalar bilan bo‘lishamiz. Biz faqat bu kompaniyalarga biz ularga topshiradigan vazifalarni bajarish uchun zarur bo‘ladigan shaxsiy ma’lumotlarnigina beramiz. Ular ma’lumotlaringizni himoya qilish bo‘yicha biz zimmamizga oladigan majburiyatlar bilan bir xil majburiyatlarni o‘z zimmasiga oladi va bunday ma’lumotlarni boshqalarga bermaydi va bizga xizmat ko‘rsatishdan boshqa maqsadda ulardan foydalanmaydi. Ushbu Maxfiylik siyosati so‘nggi marta yangilanishigacha bo‘lgan 12 oylik davr mobaynida biz yuqoridagi “

Ayrim saytlarimiz orqali amalga oshiriladigan to‘lovlar uchinchi tomon sotuvchisining onlayn to‘lov tizimi yordamida bajariladi. P&G sizning xaridlar uchun taqdim etilgan kredit kartangiz ma’lumotlariga kirish huquqiga ega emas hamda ushbu uchinchi tomon tizimlari orqali qilgan xaridlaringizning bir qismi sifatida kredit kartangiz haqidagi ma’lumotlarni saqlamaydi yoki oshkor etmaydi. Siz onlayn tizimimizga taqdim etadigan shaxsiy yoki moliyaviy ma’lumotlar uchinchi tomonning maxfiylik siyosati va foydalanish shartlari bilan tartibga solinadi hamda biz sizga har qanday shaxsiy yoki moliyaviy ma’lumotlarni taqdim etishdan oldin o‘sha siyosatlar bilan tanishib chiqishni tavsiya qilamiz. P&G ayini paytda uchinchi tomonlarning elekron tijorat platformasi sifatida PayPal va Braintree tizimlaridan foydalanadi. 

Agar siz shaxsiy ma’lumotlaringizni bergan biror-bir brendimiz yoki korxonamiz boshqa kompaniyaga sotilsa, sizning ma’lumotlaringiz bu kompaniyaga beriladi. Natijada sizning qayd yozuvingiz va undagi shaxsiy ma’lumotlaringiz o‘chirilmaydi, siz bunday yangi kompaniyaga ularni o‘chirish to‘g‘risida iltimos bilan murojaat qiladigan hollar bundan mustasno. Biz yana sizning shaxsiy ma’lumotlaringizni huquqlarimiz va mulklarimizni himoya qilishda yordam beruvchi kompaniyalarga yoki bu qonunchilik yoki davlat organlari talab qilgan hollarda ham berishimiz mumkin.

Kontakt ma’lumotlari Ushbu toifadagi ma’lumotlar elementlari ismlar (jumladan, taxalluslar va oldingi ismlar), rutbalar, pochta manzili, e-pochta manzili, telefon raqami/mobil telefon raqami va tegishli insonlarga (hisob qaydnomangizning vakolatli foydalanuvchilariga) oid kontakt ma’lumotlarini o‘z ichiga oladi.

Umumiy demografiya va psixografiya Ushbu toifadagi ma’lumotlar unsurlari yosh diapazoni, er-xotinlik va oilaviy ahvol, sotib olishda afzal biladigan sohalar, tillarni bilish, sodiqlik va mukofotlar dasturlari ma’lumotlari, oila demografiyasiga oid ma’lumotlar, ijtimoiy tarmoqlardan olingan ma’lumotlar, ta’lim va professional faoliyat haqidagi ma’lumot, hobbilar va qiziqishlar hamda uchinchi tomonlardan olingan moyillik ko‘rsatkichlarini (xarid qilish ehtimoli, hayotiy voqeani qanday boshdan kechirgani kabilarni) o‘z ichiga oladi.

Tranzaksiya va tijorat ma’lumotlari Ushbu toifadagi ma’lumotlar unsurlari mijozning hisob raqami haqidagi ma’lumotni, malakasi haqidagi ma’lumotlarni, xaridlari tarixi va tegishli qaydlarni (qaytarilgan tovarlar, mahsulotlarga xizmat ko‘rsatilgani to‘g‘rsidagi yozuvlar, kreditlar kabilar), mahsulotlarni yuklab olish, xarid qilish, dasturiy ilovalar to‘g‘risidagi yozuvlarni, iste’molchining kimligini aniqlash uchun to‘plangan nobiometrik ma’lumotlarni (parollar, hisob raqami xavfsizligiga oid savollar) o‘z ichiga oladi.

Takrorlanmas ID’lar va hisob qaydnomasi tafsilotlari Ushbu toifadagi ma’lumotlar unsurlari takrorlanmas ID raqamini (masalan, mijoz raqami, hisob raqami, obuna raqami, Mukofotlar dasturi raqami), tizim identifikatorlarini (jumladan, foydalanuvchi ismi yoki onlayn identifikatsiya ma’lumotlari), qurilma haqda reklama beruvchilarni, reklama ID’lari va IP-manzillarni o‘z ichiga oladi.

Onlayn va texnik ma’lumotlar Bu internet yoki boshqa elektron tarmoq faoliyati haqida ma’lumotlarni o‘z ichiga oladi. Ushbu toifadagi ma’lumotlar unsurlari quyidagilarni o‘z ichiga oladi: IP-manzil, MAC manzili, SSID’lar yoki boshqa qurilmalar identifikatorlari yoxud doimiy identifikatorlar, internet foydalanuvchisi ID’si, shifrlangan parol, qurilma tavsifnomasi (masalan, brauzer haqida ma’lumot), veb-server jurnallari, dasturiy ilova jurnallari, brauzer orqali saytlarga kirish ma’lumotlari, ko‘rish ma’lumotlari (TV, internetda oqimli ko‘rish), veb-sayt va ilovalardan foydalanish, birinchi tomon cookie fayllari, uchinchi tomon cookie-fayllari, flesh cookie fayllari, Silverlight cookie fayllari, veb-mayoqlar, toza grafikaga oid ma’lumotlarni almashish ma’lumotlari va piksel teglari.

Xulosa ma’lumotlari Bunga ushbu bo‘limda keltirilgan boshqa axborotdan olingan ma’lumotlar kiradi. O‘zaro munosabatlarimiz va tranzaksiyalarga oid ma’lumotlarimizni tahlil qilish orqali biz xulosa va hosil ma’lumotlar unsurlarini yaratamiz. Ushbu toifadagi ma’lumotlar unsurlari ichki tahlil dasturlari yordamida olingan moyilliklar, atributlar va/yoki baholarni o‘z ichiga oladi.

Aniq geojoylashuv Ushbu toifadagi ma’lumotlar unsurlari aniq joylashuvni (masalan, geografik kenglik/geografik uzunlik yoki ayrim holatlarda IP-manzil) o‘z ichiga oladi.

Salomatlikka oid ma’lumotlar Qanday to‘planishiga asoslangan ma’lumotlar unsurlariga quyidagilar kiradi:

• Iste’molchilar dasturlaridan to‘plangan ma’lumotlar

  • Salomatlik va kasallik alomatlari haqidagi umumiy ma’lumotlar

  • Homiladorlikka oid kutilgan sana kabi ma’lumotlar

• Siz rozililk bergan Iste’molchilar qiziqishlarini o‘rganish bo‘yicha tadqiqotlar

  • Jismoniy yoki ruhiy salomatlik, kasallik holati, kasallik tarixi yoki tibbiy davolanish yoki diagnostika, qabul qilingan dori-darmonlarga oid va tegishli ma’lumotlar

Moliyaviy ma’lumotlar Ushbu toifadagi ma’lumotlar elementlari bank hisobi raqami, tafsilotlar va to‘lov kartasi haqidagi ma’lumot (masalan, bevosita brendning o‘zidan xaridlar qilganingizda yoki brenddan kredit olganingizda).

Hukumat chiqargan ID’lar Ushbu toifadagi ma’lumotlar unsurlari davlat ID’lari va soliq ID’si (masalan, bizdan ushbu ma’lumotlarni to‘plash talab etiladigan yurisdiksiyalardagi tanlov g‘oliblari uchun).

Audio-vizual ma’lumotlar Ushbu toifadagi ma’lumotlar elementlari fotosuratlar, video tasvirlar, nazorat kameralari yozuvlari, call-markazlar yozuvlari va telefon qo‘ng‘iroqlari nazorati yozuvlari va ovozli pochta xabarlarini (masalan, siz obyektlarimizga kelganingiz yoki bizga qo‘ng‘iroq qilayotganingizni o‘rganish uchun) o‘z ichiga oladi.

Aqlli qurilmalar va sensor ma’lumotlari Ushbu toifadagi ma’lumotlar elementlari aqlli qurilmalar yozuvlari, “Narsalar interneti” mahsulotlarini (masalan, Oral B’ning dasturiy ilovalarga ulangan tish cho‘tkasi) o‘z ichiga oladi.

Bolalar haqida ma’lumotlar Ushbu toifadagi ma’lumotlar elementlari farzandlaringiz soni, ularning taglik o‘lchamlari, jinsi va yoshini o‘z ichiga olishi mumkin.

Biometrik ma’lumotlar Ushbu toifadagi ma’lumotlar elementlari yuzni tanish ma’lumotlari va taqqoslash uchun ishlatiladigan shablon singari (masalan, sog‘liqni saqlash tadqiqotlari uchun) biometrik identifikatoringizning matematik modelini o‘z ichiga oladi. Biz ushbu biometrik ma’lumotlarni shaxsning biz bilan so‘nggi aloqasi vaqtidan boshlab uch yildan ko‘p bo‘lmagan muddat saqlab turamiz, bizdan qonunlar yoki tartiblarga amal qilish maqsadida yoki qonuniy manfaatlarimizni amalga oshirish yoki himoya qilish uchun ularni uzoqroq muddat saqlash talab qilinadigan hollar bundan mustasno. Biz bunday biometrik ma’lumotlarni himoya qilish va kerakli hollarda butunlay o‘chirish yoki chiqitga chiqarish uchun tijoriy jihatdan maqbul protokollarni qo‘llaganmiz.