Ynha, gizlinlik düzgünlerimiz barada gysgaça tanyşdyryş

Bellige alnan ýurduňyza baglylykda, P&G hasabyňyzyň maglumatyňyza girmek, onda üýtgetmeler etmek ýa-da maglumatyňyzy ýoklamak mümkinçiligini hödürlemegi mümkindir.

Eger şeýle bolmasa, maglumatyňyza girmek, ony pozmak, düzetmek, marketing e-poçtalaryny ýa-da tekstlerini almagy ret etmek, ýa-da e-poçta salgyňyzy ýa-da telefon belgiňizi reklama üçin ulanmagymyza garşylyk bildirmek üçin, şu ýerden haýyş edip bilersiňiz.

Siz şu aragatnaşyklar bilen iberilýän "almagy ret ediş" görkezmelerini berjaý etmek bilen, bize özüňize e-poçta we tekst habarlaryny ibermegimizi bes etmek barada görkezme berip hem bilersiňiz. Üns beriň, saýlawlaryňyzy berjaý etmek üçin käbir maglumatlary saklamaly bolmagymyz mümkindir (meselem, size marketing e-poçtalaryny ibermegi bes etmek barada bize görkezme berseňiz, biziň ulgamlarymyzyň siziň öz e-poçta salgyňyza marketing aragatnaşyklarynyň iberilmegini islemeýändigiňiz barada ýatda saklamagy üçin, biz siziň şol e-poçta salgyňyzy özümizde saklamaly bolarys).

Käbir ýagdaýlarda haýyşyňyzy kanagatlandyryp bilmezligimiz hem mümkindir (meselem, saklamaga ýuridik borjumyz bar bolan amal maglumatyny ýoklap bilmezlik, ýa-da galplygyň öňüni almak, howpsuzlygy üpjün etmek, ýa-da başga zatlaryň arasynda, başga adamlaryň gizlinligini goramak maksady bilen).

Gyzyklanma-esasly reklamalary almagy nähili bes edip bilersiňiz P&G gyzyklanma-esasly reklamalaryny almagy bes etmek üçin şu ýere basyň ýa-da islendik bir saýtymyzdaky AppChoices şekiljigini basyp bilersiňiz. Europeewropa üçin şu ýere basyp bilersiňiz. Ähli reklama hyzmatdaşlarymyzdan reklama almagy ret ediň:

• Tapad

• TradeDesk

• MediaMath

• Neustar

• Facebook

• Amazon

• Google

• Liveramp

Brauzer(ler)iňizde kukileri ret etmek, şol programmalary gurnaýan wagtyňyz olaryň köplenç soraýan "maglumata giriş rugsadyny" ret etmek ýa-da enjamyňyzda reklama yzarlama sazlamalaryny sazlamak arkaly hem, websaýtlarda gyzyklanma-esasly reklamalaryň görkezilmeginiň öňüni alyp bilersiňiz. Üns beriň, marketing maksatlary üçin bize beren bolsaňyz, e-poçta salgyňyz ýa-da telefon belgiňiz esasynda şahsylaşdyrylan reklamalary hem alyp bilersiňiz. Ony ulanmagy ret etmek üçin, bize ýüz tutuň.

Siz gyzyklanma-esasly reklamalary almagy ret etseňiz-de, "kontekstleýin" reklamalary görmäge dowam edersiňiz Size gyzyklanma-esasly reklamalary ibermegi bes etsek hem, siz öz kompýuteriňizde ýa-da mobil enjamlaryňyzda biziň brendlerimizden reklamalary almaga dowam edersiňiz. Ýöne, ol reklamalar girýän saýtlaryňyzyň kontekstine esaslanýar we olara kontekstleýin reklamalar diýilýär. Mobil telefonyňyzda ýa-da kompýuteriňizde görmek işjeňlikleriniň çäginde girýän sahypalaryňyza esaslanýan gyzyklanma-esasly reklamalaryň tersine, kontekstleýin reklamalar şol pursat girip duran belli bir saýtyňyzyň kontekstine esaslanýar. Meselem, çaga idetmek baradaky önümleri onlaýn görüp oturan wagtyňyz, biziň çaga idegi baradaky bir brendimiziň reklamasyny görmegiňiz mümkin, sebäbi şol saýtlara, köplenç halatda, täzelikde çagasy bolan ýa-da indi bolmaly ene-atalar gelip görýärler. Siz şuny hem bilmeli, ýagny biz kompýuteriňizden ýa-da enjamlaryňyzdan maglumat ýygnamaga dowam edip, şeýle hem, ony öz websaýtlarymyzyň işleýşine baha bermek, müşderi ideg-gözlegini geçirmek ýa-da galplygyň anyklamak ýaly başga maksatlar üçin ulanyp bileris.

Kukileri ýoklasaňyz, almagy ret etmek baradaky görkezmäňiz-de ýoklanylýar Gyzyklanma-esasly reklamalary almagy ret etseňiz, almagy ret etmek baradaky kukini brauzeriňize iberýäris, ol bize siziň indi bizden gyzyklanma-esasly reklama almak islemeýändigiňizi aýdýar. Ähli kukileri ýoklamak barada karara gelseňiz, almagy ret etmek baradaky kukiňiz hem ýoklanylar. Ýagny, eger şonda-da gyzyklanma-esasly reklama almagy islemeýän bolsaňyz, siz almagy ret etmegi täzeden ýerine ýetirmeli bolarsyňyz.

Girmek Ýa-da Pozmak Meselem, içinde bizde kuki ýa-da enjam ID-si derejesinde siz hakynda saklanylyp, size dahylly reklamalary bermek üçin ulanylýan maglumat bar bolan, adaty onlaýn häsiýetleýin reklama üçin ulanylýan şahsy maglumatyňyz barada girmek ýa-da pozmak boýunça haýyş etmek üçin, bize şu ýerden ýüz tutuň. Haýyşyňyzy işlemek üçin, bize şu aşakdaky identifikatorlaryň islendik birini bermegiňiz gerek:

• Hyzmat üpjün edijilerimizden kuki ID-leriňiz: Tapad, Neustar, MediaMath we TheTradeDesk.

• Mobil reklama ID-leriňiz (IDFA, Android ID).

• Reklama üçin ulanylýan TW enjamy identifikatoryňyz, ol birigen TW üpjün edijisi tarapyndan bellenilýän özboluşly ID-dir, meselem, Reklama üçin Roku ID.

Biziň bir ideg-gözleg işimize gatnaşmagyňyzyň çäginde bizde bar bolmagy mümkin şahsy maglumatyňyz bilen baglanyşykly haýyş ibermek üçin, razylyk formaňyzda görkezilýän kontakt maglumatyna serediň ýa-da öz degişli ideg-gözleg merkeziňize jaň ediň ýa-da göni baryň.

Eger Kaliforniýa ştatynda ýaşaýan bolsaňyz, siz barada saklaýan maglumatlarymyza girip bilersiňiz, şahsy maglumatyňyzy işleýiş usulymyz barada jikme-jikligi sorap bilersiňiz, maglumatyňyzy ýoklamagymyzy haýyş edip ýa-da şahsy maglumatyňyzy mundan beýläk "satmazlygymyzy" ("satmak" adalgasynyň Kaliforniýa ştatynyň Sarp edijileriň gizlinligini goramak baradaky kanunynda görkezilýän manysynda) sorap bilersiňiz. Has giňişleýin öwrenmek we şeýle hukuklaryňyzy amala aşyrmak üçin, şu ýere basyň.

Eger Ýewropanyň ykdysady zolagynda ýa-da we Birleşen Korollykda ýaşaýan, ýa-da Ýewropanyň ykdysady zolagynda ýa-da we Birleşen Korollykda fiziki taýdan ýerleşýän bolsaňyz, siz barada saklaýan şahsy maglumatlarymyza girip, şeýle hem, takyk däl, könelen ýa-da indi gereksiz maglumatlaryň düzedilmegini, pozulmagyny ýa-da çäklendirilmegini haýyş edip, we bizden maglumatlaryňyz başga hyzmat üpjün edijä geçirip bilmäge mümkinçilik berýän formatda üpjün etmegimizi sorap bilersiňiz. Şahsy maglumatyňyzy işlemek üçin razylyk bermegiňize bil baglaýan halatymyzda, öz razylygyňyzy islendik wagt yzyna alyp hem bilersiňiz. Şahsy maglumatyňyzy işlemek biziň kanuny bähbidimize esaslanýan halatynda (ýagny şol maglumaty ulanmaga sebäbimiz bar bolanda), şol işlemegimize garşylyk bildirip (ýagny ony ulanmagy bes etmegimizi sorap) hem bilersiňiz.

Haýyş etmek üçin, şu ýere basyň.

Umuman, maglumat goragy we öz şahsy maglumat boýunça hukuklaryňyz barada goşmaça maglumat almak isleýän bolsaňyz, Ýewropanyň maglumat goragy boýunça superwizorynyň websaýtyna https://edps.europa.eu/data-protection/ ýa-da Birleşen Korollygyň Maglumat boýunça komissarlyk ofisiniň saýtyna https://ico.org.uk baryň. Eger haýyşlaryňyza berýän jogabymyzdan nägile bolsaňyz, ýurduňyzdaky maglumat goragy edarasyna şikaýat bilen ýüz tutup bilersiňiz.

Procter and Gamble España SA kompaniýasy Ispaniýanyň Maglumat goragy agentligi tarapyndan akkreditirlenen AUTOCONTROL-daky Maglumat goragy boýunça özüňi alyp baryş düzgünlerini berjaý edýär we şonlukda, gyzyklanýanlar üçin www.autocontrol.es saýtynda elýeterli bolan maglumat goragy we reklama bilen baglanyşykly bolan halatynda, maglumat işleýiş şikaýatlary boýunça onuň kazyýet däl ulgamyna tabyn bolup durýar.

Hünärmen diş lukmany bolsaňyz we https://www.dentalcare.com ýaly professional habar beriş kampaniýalarymyzyň birinde bize maglumat beren bolsaňyz, ýerli P&G wekili bilen habarlaşyň, mysal üçin Oral-B ýüz tutuň.

Biz kän ýerlerden, köp usullar arkaly siz barada maglumatlary ýygnaýarys. Ýygnaýan käbir maglumatlarymyz siziň kimdigiňizi anyklamakda ulanyp boljak maglumatlary öz içine alyp biler; meselem, adyňyz, e-poçta salgyňyz, telefon belgiňiz ýa-da poçta salgyňyz. Ýewropanyň ykdysady zolagyndaky ýa-da we Birleşen Korollykdaky ýaly käbir ýurtlarda ýa-da Kaliforniýa ýaly ştatlarda IP salgysy ýa-da kuki we mobil enjam identifikatorlary ýaly zatlara hem şahsy maglumat hökmünde garalmagy mümkindir.

Üns beriň: Biziň siz barada ýygnaýan maglumatlymyzyň ählisini size has gowy önümleri, hyzmatlary we ulanyjy tejribelerini bermek üçin birleşdirmegimiz mümkindir.

Siz websaýtlarymyzda ýa-da mobil programmalarda hasap açýan wagtyňyz ýa-da bize jaň etmek ýa-da e-poçta ibermek arkaly, biz öz maglumatyňyzy berýärsiňiz. Biziň sizden adyňyz, e-poçtaňyz ýa-da öý salgyňyz, doglan senäňiz, töleg maglumatyňyz, ýaşyňyz, jynsyňyz, maşgala sanyňyz ýaly zatlary, şeýle hem, siz öz önümdir hyzmatlarymyz barada maglumaty nähili usulda (mes. öý salgyňyz, e-poçta salgyňyz ýa-da SMS arkaly) ugratmagymyzy isleýändigiňiz hakynda soramagymyz mümkin.

Saýtlarymyza giren, mahabatlarymyzy gören ýa-da önümdir hyzmatlarymyzy ulanan wagtyňyz awtomatik maglumat ýygnaýan tehnologiýalary ulanmagymyz mümkindir. Meselem, biz ulanýan brauzeriňizi we operasion ulgamyňyz, IP salgyňyzy, girýän web-sahypalaryňyzy, basýan baglaryňyzy ýa-da bizden gelen bir e-poçtany açyp-açmandygyňyzy görkezýän kukileri (kompýuteriňiziň brauzerinde durýan uşajyk faýl) ulanýarys.

Size iň ajaýyp ulanyjy tejribesini bermek üçin, mobil programmalarymyzy ýa-da öýüňizdäki "akylly" enjamlary ulanýan wagtyňyz telefonyňyzdan maglumat ýygnaýan tehnologiýalary ulanmagymyz mümkin. Siz programmany göçürip alýan ýa-da internete birigýän hojalyk enjamlaryny gurnaýan wagtyňyz, muňa razylyk berýärsiňiz. Ol maglumat mobil telefonyňyzyň ýa-da başga enjamyň reklama ID-sini, telefonyňyzyň operasion ulgamy barada maglumaty, programmany ýa-da enjamy ulanyşyňyz, şeýle hem, fiziki ýerleşýän ýeriňiz barada maglumaty öz içine alyp biler. Öz takyk geografik ýerleşýän ýeriňizi (takyk duran ýeriňizi ýa-da internete girýän ýeriňizi) bilmegimizi kabul etmek ýa-da ret etmek barada size opsiýa berýän bildiriş siziň telefonyňyza ýa-da enjamyňyza geler.

Başga kompaniýalaryň biziň bilen paýlaşýan ýa-da bize satýan maglumatyny almagymyz mümkindir. Meselem, telekom hyzmatlaryna ýa-da bölek satuw boýunça ýeňillik utuklary kompaniýasyna ýazylan wagtyňyz, başga kompaniýanyň öz şahsy maglumatyňyzy biziň bilen paýlaşmagyna razylyk beren bolmagyňyz mümkin. Biziň siziň hemmeleriň görüp biljekdigini bilýän ýerleriňizden, mes. internetde onlaýn neşir edýän zatlaryňyzdan, blog ýazgylaryňyzdan, wideolaryňyzdan ýa-da sosial media saýtlaryndan hem maglumat ýygnamagymyz mümkindir. Biziň köpçülige elýeterli maglumat binýatlaryndan (degişli bolan ýerli ýuridik talaplara laýyklykda) ýa-da siziň öz maglumatyňyzy olaryň ulanmagy we soňrasynda biziň ulanmagymyz üçin beren razylygyňyz esasynda alynýan siz barada maglumatlary ýygnamak ýa-da agregirlemek biznesini ýöredýän, sarp ediji maglumatlarynyň satyjylary ýaly, başga kompaniýalardan hem maglumatlary almagymyz mümkindir. Ol maglumat siziň girdeji derejäňiz, ýaşyňyz, jynsyňyz, maşgala sanyňyz we internetden ýa-da golaýyňyzdaky dükanlardan satyn alan önümleriňiz baradaky maglumat bolup biler.

Biz siziň maglumatyňyzy dünýäniň çar künjeginde ýaşaýan özüňiz ýaly adamlaryň ýaşaýşyna galtaşmak we ony gowulandyrmak baradaky maksadymyza ýetmegimize kömegi deger ýaly ulanýarys.

Meselem, maglumatyňyzy şu görnüşde ulanýarys:

• Siziň üçin hyzmatlary ýerine ýetirmek

• Sizi öz dürli marketing programmalarymyz we websaýtlarymyz üçin anyklamak hem-de hakykylygyňyzy barlamak

• Soraglaryňyza ýa-da maglumat barada haýyşlaryňyza jogap bermek

• Müşderi hyzmatyny bermek

• Amal habarlaryny ibermek (hasap beýannamalary ýa-da tassyklamalar ýaly)

• Marketing aragatnaşyklaryny, anketalary we çakylyklary ibermek

• Bizden satyn alýan önümleriňiz üçin töleýän tölegiňizi işlemek

• Yzyna tölegleri we inkassirlemegi işlemek we bermek

• Size haýyş eden önümleriňizi ýa-da nusgalaryňyzy ibermek

• P&G saýtyndaky ýa-da programmasyndaky ileri tutmalaryňyzy dolandyrmaga kömekleşmek

• Bäsleşiklerimize ýa-da utuşly aksiýalarymyza gatnaşmagyňyza mümkinçilik bermek

• Siziň bilen sosial mediada täsirleşmek

• Gyzyklanmalaryňyza we ileri tutmalaryňyza has gowy düşünmek, şeýle hem, degişli teklipler we aragatnaşyklar bilen size we özüňiz ýaly adamlara hyzmat etmek

• Meňzeş audiensiýalar arkaly özüňiz üçin laýyk reklamalary we başgalar üçin laýyk reklamalary serwis ediň. Meselem, eger ABŞ-da kir ýuwujy serişde üçin marketing e-poçtalaryna ýazylan bolsaňyz, Facebook-yň aýtmagyna görä size “meňzeş” bolan müşderilere Facebook-da reklama serwis edip bilmegimiz üçin olary Fransiýadan tapmak üçin, häşlenen e-poçta salgyňyzy Fransiýadaky Facebook-a ýüklemegimiz gerek.

Maglumatlaryňyzy içerki biznes maksatlary üçin hem ulanýarys, meselem:

• Hil gözegçiligi, okuw okatmak we analitika

• Howpsuzlygy saklamak we barlap tassyklamak

• Ulgam administrasiýasy we tehnologiýany dolandyrmak, şol sanda websaýtlarymyzy we programmalarymyzy optimizlemek

• Howpsuzlyk maksatlary, şol sanda howplary anyklamak we zyýanly ýa-da galp işjeňlikden goramak

• Sarp edijiler bilen hasaba alyş we audit täsirleşmeleri, şol sanda amal maglumatlarynyň bir bölegi hökmünde saklanylýan gündelikler we ýazgylar

• Töwekgelçilikleri dolandyrmak, audit, derňewler, hasabatlylyk we beýleki ýuridik hem-de berjaý ediş sebäpleri

Şahsy maglumatyňyzy size has gowy düşünmek üçin hem ulanyp bileris, şol sanda:

• Içerki ideg-gözleg üçin

• Sarp edijilerimiziň göwnünden turýan önümleri, hyzmatlary we programmalary dizaýn etmek we işläp düzmek

• Potensial sarp edijileri anyklamak

Siziň maglumatlaryňyzy, şol sanda üçünji tarap (mysal üçin, dostuňa gönükdirmek programmasy) tarapyndan berlen maglumatlary öz maliýe höweslendirmämizi, sylaglarymyzy, arzanladyşlarymyzy (mysal üçin, baha ýa-da hyzmat kuponlary) we wepalylyk programmalarymyzy (bilelikde, "Sylaglar programmalary") dolandyrmak we saklamak maksady bilen hem ýygnaýarys we ulanýarys. Bu programmalarda berýän maglumatyňyzy şahsyýetiňizi tassyklamak, özboluşly sylaglary hödürlemek, programma ýagdaýyňyzy yzarlamak, şeýle hem, önümler, reklama materiallary, okuw seminarlary we beýleki zatlar üçin programma utuklarynyň alyş-çalyş edilmegini ýeňilleşdirmek üçin ulanýarys. Sylag programmalarymyzyň islendik gatnaşmaga razylyk berseňiz, şu Gizlinlik syýasatyndaky kontakt jikme-jikligini ulanyp ýa-da degişli Sylaglar programmasynyň şertlerinde we düzgünlerinde görkezilen görkezmelere laýyklykda bize ýüz tutup, islendik wagt bu razylygy yzyna alyp bilersiňiz. Öz Sylag programmalarymyza gatnaşyjylardan ýygnalýan ýa-da olar bilen baglanyşykly maglumatlary islendik başga bir maksat bilen ýa-da şu Gizlinlik syýasatynda görkezilen islendik başgaça görnüşde ulanyp bileris. Kaliforniýa ştatynyň Sarp edijileriň gizlinligini goramak baradaky kanunynda ("CCPA") talap edilişi ýaly, Sylaglar programmalary üçin şahsy maglumatlaryňyzyň gymmatyny nähili hasaplaýandygymyz barada giňişleýin maglumat üçin,

Kukiler internetde gezýän wagtyňyz kompýuteriňize iberilýän uşajyk faýllardyr. Olarda öz girýän websaýtlaryňyz bilen nähili täsirleşýändigiňiz barada peýdaly maglumatlar bolýar. Kukiler kompýuteriňizde, enjamyňyzda ýa-da faýllaryňyzda duran hiç bir maglumaty ýygnamaýar. Kukilerde siziň kimdigiňizi gönümel anykladyp biljek hiç hili maglumat bolmaýar. Kukiler kompýuteriňizi we enjamyňyzy diňe çemgeldik bellenilen sanlar we harplar (mes. kuki ID ABC12345) görnüşinde görkezýär we hiç haçan, meselem, John E. Smith diýip görkezmeýär.   

Biz kukileri aşakdaky ýaly birnäçe sebäpler üçin ulanýarys:

• size dahylly reklamalary serwis etmek

• siziň P&G materiallary bilen nähili täsirleşýändigiňiz barada giňişleýin öwrenmek

• websaýtlarymyza gelen wagtyňyz başdan geçirýän tejribeleriňizi gowulandyrmaga kömegi degmek

• websaýta her gireniňizde laýyklap durmaly bolmazyňyz ýaly, dil ýa-da sebit ýaly ileri tutmalaryňyzy ýatda saklamak

• näsazlyklary anyklamak we çözmek

• websaýtlarymyzyň öndürijilik görkezijilerini seljermek

Pugta zerur Bu kukiler sahypanyň şolarsyz işläp bilmejek käbir möhüm funksiýalaryny ýüklemäge ýa-da üpjün etmäge mümkinçilik berýär (meselem, maglumatyňyzy söwda arabajygynda saklamak).

Öndürijilik kukileri Bu kukiler ikilenç gelen wagtyňyz saýtlaryň ileri tutýan zatlaryňyzy ýatdan bilmegine mümkinçilik berýär. Meselem, birinji gezek gireniňizde saýty fransuz dilinde okamagy saýlasaňyz, ikilenç dolanyp gelen wagtyňyz, saýt awtomatik fransuz dilinde görkezilýär. Ileri tutýan diliňizi her gezek saýlamaly bolmazlyk siziň üçin örän oňaýly, önjeýli we ulanyja ýaramly ýeňillikdir.

Reklama kukileri Bu kukiler arkaly, meselem, girýän websaýtlaryňyz we satyn alýan önümleriňiz esasynda siziň umuman nämelere gyzyklanma duýýandygyňyzy bilmek bolýar. Ol ýaşyňyz, maşgala ýagdaýyňyz we takmynan näçe çagaňyz bardygy hakynda netije çykarmagymyza-da kömek edip bilýär. Ol maglumat bize size öz halaýan ýa-da gerekleýän önümdir hyzmatlaryňyz barada reklamalary ibermegimize şert döredýär. Ol bize siziň şol bir reklamany näçe gezek görjekdigiňize çäk goýmaga-da mümkinçilik döredýär.

Analitika kukileri Bu kukiler bize öz websaýtlarymyzyň nähili işleýändigini görkezýär. Köp halatlarda, biz öz saýtlarymyzyň öndürijiligine gözegçilik etmek üçin Google Analytics kukilerini ulanýarys. Saýtlarymyza girişleriňiz barada Google Analytics tarapyndan ýygnalýan maglumaty ulanmak we paýlaşmak mümkinçiligimiz Google Analytics Ulanyş şertleri we Google Analytics Ulanyş şertleri we Google Gizlinlik syýasaty tarapyndan çäklendirilýär.

Brauzeriňizi ähli kukileri ret etmäge ýa-da kompýuteriňize kuki iberilip durka ony görkezmäge sazlap bilersiňiz. Emma, beýtmeklik saýtlarymyzyň ýa-da hyzmatlarymyzyň gurat işlemegini bökdäp biler. Brauzeriňizi her gezek internetde gezip bolanyňyzdan soň kukileri ýoklamaga-da sazlap bilersiňiz.

Hyzmatdaş saýtlarymyza giren wagtyňyz, görmek isleýänsiňiz öýden reklamalarymyzy ýa-da materiallarymyzy size görkezip bileris. Meselem, eger çaga eşiklerini ýa-da okuw esbaplaryny satýan saýtlara girýäniňiz ünsümizi çekse, siz Tide® kir ýuwujy serişdeleri barada reklamalary almagyňyz mümkin. Şol maglumat esasynda çagaňyzyň bardygy, şol sebäpli-de, güýçli kir ýuwujy serişde bilen gyzyklanýan bolmagyňyzyň gaty mümkindigi barada netijä gelip bilýäris. Şunlukda, size bähbitli bolup biljek önümlerimiz barada size dahylly maglumaty ibermek niýetine münýäris.

Biz birmeňzeş gyzyklanmalary bar bolan sarp edijileriň toparlaryndan öwrenýäris Biziň sizi birmeňzeş gyzyklanmalary bar bolan belli bir sarp edijiler toparyna goýmagymyz mümkindir. Meselem, siziň ýygy-ýygydan onlaýn päki satyn alýandygyňyzy görsek, sizi "päki muşdaklary" toparyna goýmagymyz ahmal, ýa-da siziň onlaýn kuponlary ulanýanyňyz, arzanladyş ýa-da satyş gözleýäniňiz ünsümizi çekse, sizi "çekeleşip söwda edýän" diýip bellemegimiz mümkin. Web-sahypalary görýän wagtyňyz, websaýtlarymyzda we girýän başga websaýtlaryňyzda basýan baglaryňyza, ulanýan mobil programmalaryňyza ýa-da görýän öz brend e-poçtalarymyza hem-de şol e-poçtalarda basýan baglaryňyza seredip, şu zatlar biziň ünsümizi çekýär. Onlaýnda we/ýada awtonomda birmeňzeş hereket edýän sarp edijiler toparyndaky umumy trendler, endikler ýa-da häsiýetler barada öwrenmegimize kömegi deger ýaly, biz kuki we enjam ID-lerini bir topara jemleýäris. Biz şeýle etmek bilen, eýýäm toparda bar bolan sarp edijilere "meňzeýän" başga köp adamlary tapyp we olara hyzmat edip bilýäris, şeýlelikde, olara dahyllydyr öýden zatlarymyzy hem-de bähbitli önüm tekliplerini we maglumatlaryny iberýäris.

Başga maglumatlary kuki we enjam ID-leriňize baglaýarys Kuki we enjam ID-leriňiziň üstüne awtonomda satyn alýan önümleriňiz barada maglumat ýa-da saýtlarymyzda hasap döredýärkäňiz gönümel berýän maglumatyňyz ýaly başga maglumatlaryň hem goşulmagy mümkindir. Biz umuman muny siziň kimdigiňizi gönümel anyklatmaz ýaly görnüşlerde amala aşyrýarys. Meselem, bir adamyň websaýt girişleri, ýaşy, jynsy we söwda ediş endikleri esasynda ID ABC12345 belgili kukiniň päki muşdaklary toparyna degişlidigini bilip bileris, ýöne ol adamyň adyny ýa-da salgysyny ýa-da onuň adam hökmünde kimdigini anyklatjak beýleki maglumatlary bilmeris. Eger siziň kuki ýa-da enjam maglumatyňyzy (internet we programma görüş taryhy) şahsy taýdan anyklajak bolan ýagdaýymyzda, şeýtmezden ozal hemişe siziň özüňizden sorarys.

Sizi ähli kompýuterleriňizde, planşetleriňizde, telefonlaryňyzda we enjamlaryňyzda bilmegimiz mümkindir Biziň ID ABC12345 kukiniň ID EFG15647 enjam belgili mobil telefonyň eýesi bolan şol bir adama ýa-da hojalyga birigen bolmagy mümkin kompýuterden gelýändigini bilmegimiz mümkindir. Ýagny, noutbugyňyzda arlyk gözläp, biziň sponsorlyk edýän Google gözleg netijämiziň bagyna bassaňyz, soň mobil telefonyňyzda biziň Pampers® brendli arlyklarymyz barada reklama gözüňiz düşmegi mümkin. Meselem, her gün şol bir wagtda şol bir Wi-Fi toruna hasaba girýändigi sebäpli, biziň kompýuter bilen telefonyň eýesiniň şol bir adamdyr diýip hasap edip ýa-da netije çykaryp bilýäris. Bir adamyň ýa-da hojalygyň nähili enjamlary ulanýandygyna düşünmeklik siziň ähli enjamlaryňyzda şol bir reklamany näçe gezek görjegiňize çäk goýmaga mümkinçilik berýär. Bu örän wajyp, sebäbi, şeýlelik bilen sizä şol bir reklamany spamlap bimaza etmegimizden gutulýarsyňyz, biz bolsak, siziň almak islemeýän reklamaňyzy gaýtalap, oňa biderek pul tölemekden dynýarys.

Salgy saklaýan serişdeler Bize saýtlarymyz ýa-da programmalarymyz arkaly öz şahsy maglumatyňyzy beren wagtyňyz, size halarsyňyz öýdýän reklamalarymyzy bermek üçin şol maglumatyň şifrlemesini ýa-da deregine identifikatoryny ulanarys. Biz, umuman, bazaryňyz bilen dahylly bolan we bize beren bolmagyňyz mümkin e-poçta salgyňyzyň, telefon belgiňiziň ýa-da mobil reklama ID-ňiziň şifrlenen nusgasyny reklama ýerini hödürleýän platforma (meselem, Facebook, YouTube, Instagram, TikTok we ş.m.) ýüklemek arkaly, muny amala aşyrýarys. Biz ol maglumaty size açyk internet diýilýän serişde arkaly reklama bermek üçin hem ulanyp bileris. Ýagny, saýtlarda ýa-da programmalarda, ýa-da öz reklama inwentarynyň onlaýn auksionlarynda gatnaşýan sanly TW ýaly ýerlerde dahylly reklamalary görmegiňiz mümkin.

Kämil deň getirme Käbir saýtlarymyz Sosial Media Platformalary tarapyndan öz reklamaçylaryna hödürlenilýän Kämil deň getirme aýratynlyklaryny ulanýar (Mysal üçin,Facebook-yň Kämil deň getirmesi, TikTok-yň Kämil deň getirmesi we şuňa meňzeşler).  Kämil deň getirme arkaly, biziň saýt forma zolaklarymyza girizýän maglumatyňyzyň belli bir bölegini (meselem adyňyz, e-poçta salgyňyz we telefon belgiňiz, ýöne hiç bir gizlin häsiýetli ýa-da ýörite kategoriýaly maglumat däl) sizi öz brauzer kukiňiz ýa-da enjam ID-ňiz bilen baglanyşdyrmaga kömek etmek maksady bilen, häşlenen formatda şifrlenen görnüşde Sosial Media Platformasyna ibereris ýa-da Sosial Media Platformasy Piksel ol maglumaty awtomatik şifrlär we çekip alar. Biz şeýtmek bilen öz reklamamyzyň degişli Sosial Media platformalaryndaky netijeliligini has gowy nyşan almagy we ölçemegi maksat edinýäris. Ynha, şonlukda biz size Sosial Media Platformasynda reklama görkezdikmi, siz ony basyp, saýtymyza gelip, bir zat satyn aldyňyzmy-ýokmy, şeýlelikde biz Sosial Media Platformasynda reklama satyn almaga dowam etmelimi-dälmi diýen meselä göz ýetirip bilýäris.

Ýakynlyk-esasly maýaklar Maýaklar telefonyňyza gurnaýan mobil programmalaryňyza örän gysga aralyklardan ýeke-taraply signallary iberip, meselem, size bir dükanyň duşundan geçip barýarkaňyz satuwda nähili önümleriň bardygyny habar berýär. Maýaklar diňe ýeterlik golaýlaşyp, belli bir maýak bilen baglanyşykly mobil programmanyň içinden razylyk bereniňizden soňra, siziň enjamyňyz bilen aragatnaşyk edýär. Öz gezeginde, reklamalary we teklipleri size görä laýyklaşmak üçin, programmalaryň bize ýerleşiş maglumatyny bermegi mümkin. Meselem, supermarketiň ten idegi bölümindäki maýaga golaýlaşan wagtyňyz, size 4$ arzanladyş kuponyny ibermegimiz mümkin.

Pikseller Olar web-sahypa ornaşdyrylan ownujak obýektler bolup, göze görünmeýärler. Olara "bellijekler", "web-tomzaklar" ýa-da "piksel gifleri" hem diýilýär. Biz kompýuteriňize kukileri eltmek, öz websaýt işjeňligimize gözegçilik etmek, saýtlarymyzda ulgama girmegi ýeňilleşdirmek we onlaýn marketing işjeňligini amala aşyrmak üçin piksellerden peýdalanýarys. Biz öz höweslendirme e-poçta habarlarymyzy ýa-da täzelik hatlarymyzy açýaňyzmy we olaryň üstünde iş geçirýäňizmi diýip kesgitlemek üçin, olara pikselleri hem goşýarys.

Mobil enjam identifikatorlary we SDK-lar Biz kukileriň internetde ýygnaýanlaryna meňzeş maglumatlary ýygnamak üçin, öz mobil programmalarymyzda programma üpjünçiligi koduny ulanýarys. Ol mobil telefon identifikatorlaryňyz (iOS IDFA-lary we Android reklama ID-leri) ýaly maglumatlar, şeýle hem, biziň programmalarymyzy ulanyşyňyz baradaky maglumat bolar. Edil kukilerde bolşy ýaly, programmalarymyzy ulanýan wagtyňyz awtomatik ýygnaýan maglumatlarymyz sizi hiç haçan adam hökmünde anyklatmaz. Biz mobil enjamy diňe çemgeldik bellenilen sanlar we harplar (mes. reklama ID EFG4567) görnüşinde bilýäris we hiç haçan, meselem, John E. Smith diýen görnüşde bilmeýäris.

Takyk geografik ýerleşiş Mobil programmalarymyzy ulanýan wagtyňyz global orunlama ulgamy (GPS) koordinatalary (uzaklyk we giňişlik) ýaly zatlardan siziň takyk ýerleşýän ýeriňiz barada maglumat almagymyz mümkindir. Dünýäniň ýüzündäki takyk ýerleşýän ýeriňizi bilmegimizi kabul etmek ýa-da ret etmek barada sizden soraýan bildiriş hemişe telefonyňyza ýa-da enjamyňyza geler. Has giň şäherde, poçta indeksinde ýa-da prowinsiýada ýörendigiňiz barada umuman bilmek üçin, siz öňünden hemişe razylyk soramajakdygymyza düşünmeli. Meselem, diňe Filippinlerdäki Manila şäheriniň içinde bir ýerlerde durandygyňyzy bilýän bolsak, biz oňa takyk ýerleşýän ýeriňiz hökmünde garamarys.

Plaginler Websaýtlarymyzda sosial torlar ýaly başga kompaniýalardan plaginler bar bolup biler. Plagine mysal hökmünde Facebook-yň "Like" düwmesini görkezmek bolar. Ol plaginleriň maglumat (mes. giren sahypaňyzyň URL-si) ýygnamagy we ol maglumaty özlerini döreden kompaniýa ibermegi mümkindir. Onuň şol plagini basmasaňyz hem bolup geçmegi mümkin. Ol plaginler biziň saýtlarymyzda görünýän-de bolsa, olar özlerini döreden kompaniýanyň gizlinlik syýasaty we şertleri tarapyndan düzgünleşdirilýär. Şol maglumaty ýygnamak we geçirmek maksatlary bilen, biz öz Ýewropanyň ykdysady zolagyndaky we Birleşen Korollykdaky saýtlarymyz üçin şol maglumatyň dolandyryjysy hökmünde çykyş edýäris. Şeýle plaginler wajyp-däl kukiler bolmak bilen, biziň Ýewropanyň ykdysady zolagyndaky we Birleşen Korollykdaky saýtlarymyzda diňe kukileri kabul eden ýagdaýyňyzda işleýärler.

Ulgama girişler Websaýtlarymyz başga kompaniýadaky hasabyňyz bilen ulgama girmegiňize mümkinçilik berip biler (mes. "Facebook bilen ulgama gir"). Şeýle edeniňizde, ulgama girmek üçin ulanýan, başga kompaniýadan alan hasabyňyzdaky hasap sazlamalaryňyzdan diňe almagymyza razylyk beren maglumatlaryňyza girişimiz bolar.

Ulanyjy materialy Käbir saýtlarymyz we programmalarymyz size öz bäsleşik materiallaryňyzy, bloglaryňyzy, wideolaryňyzy we beýleki funksiýalary ýüklemäge rugsat berer. Ýatdan çykarmaň, tabşyrýan ýa-da onlaýna iberýän islendik maglumatyňyz köpçülige açyk maglumata öwrülýändir. Saýtlarymyza we programmalarymyza tabşyrýan materiallaryňyzy başga adamlaryň nähili ulanmagyny mümkindigi babatynda biziň kontrollygymyz ýokdur. Biz şu gizlinlik syýasatyny, kanunçylygy ýa-da şahsy gizlinligiňizi we howpsuzlygyňyzy bozmagy mümkin bolan şeýle ulanyşlar üçin jogapkärçilik çekmeýäris.

Baglar P&G saýtlarynda başga saýtlara eltýän, biz tarapyndan gözegçilik edilmeýän baglaryň bolmagy mümkindir. Ol saýtlar, biziň däl-de, özleriniň gizlinlik syýasatlary we şertleri tarapyndan düzgünleşdirilýär.

Sizden razylyk alan wagtymyz, siziň maglumatlaryňyzy öz saýlama hyzmatdaşlarymyz bilen paýlaşmagymyz mümkindir (olaryň önümleri ýa-da hyzmatlary bilen gyzyklanýan bolmagyňyz mümkindir öýden ýagdaýymyzda, olaryň size öz önümler ýa-da hyzmatlar barada teklipleri, höweslendirmeleri ýa-da reklamalary iberip bilmegi üçin). Meselem, biziň Pampers® ýaly arlyk brendlerimizden P&G e-poçtalaryny alýan adamlaryň başga kompaniýalar tarapyndan öndürilýän bäbek iýmitleri barada habar almaga razylyk beren bolmagy mümkindir.

Websaýtlarymyz we programmalarymyz size dahylly reklamalary we teklipleri hödürlemegimize kömegi deger ýaly, özboluşly identifikatorlary, çak edilýän we öndürilen maglumatlary, onlaýn we tehniki maglumaty hem-de geo-ýerleşişi onlaýn platformalar we reklama tehnologiýasy kompaniýalary bilen paýlaşyp biler.   Şunlukda, biz gatnaşmaga razylyk bermegi ýa-da bermezligi öz içine alýan bolmagy mümkin bolan degişli ýuridik talaplary berjaý etmekligimizi hemişe üpjün edýäris. Biz siziň şahsy maglumatyňyzy P&G kompaniýasyndan daşgyn marketingçilere pul üçin satmaýarys. Eger Kaliforniýa ştatynyň rezidenti bolsaňyz, goşmaça maglumat üçin aşakdaky gizlinlik syýasatynyň 

Siziň maglumatyňyzy bize öz biznesimizi ýöretmäge kömek edýän, şol sanda saýtlarymyza hosting hyzmatyny berýän, e-poçtalarymyzy we marketing aragatnaşyklarymyzy size eltýän, ýygnan maglumatymyzy seljerýän, bize satyş atribusiýasy boýunça (meselem, platforma sahypasynda size reklama görkezen bolsak, sizem bizden önüm satyn alan bolsaňy, şony görmegimize) kömek edýän, şeýle hem, siz soran önümdir hyzmatlaryňyzy iberýän hyzmat üpjün edijiler bilen paýlaşmagymyz mümkindir. Maglumatyňyzy ýuristler, auditorlar, geňeşçiler, maglumat tehnologiýasy we howpsuzlyk firmalary, şeýle hem, bize hyzmat berýän beýlekiler bilen hem paýlaşýarys. Biz ol kompaniýalar bilen diňe olardan haýyş edýän tabşyryklarymyzy tamamlap bilmekleri üçin zerur bolan şahsy maglumaty paýlaşýarys. Olaryň siziň maglumatyňyzy edil biziň goraýşymyz ýaly goramagy talap edilýär, olar ony paýlaşmazlar ýa-da bize hyzmatlary üpjün etmekden başga hiç bir maksat üçin ulanmazlar. Şu gizlinlik syýasatynyň soňky täzelemesinden ozalky 12 aýlyk döwrüň dowamynda, biznesiň ýerine ýetirilişiniň aýratynlyklaryna baglylykda, biznes maksady bilen, ýokardaky "

Käbir saýtlarymyzda satyn alyşlar üçin geçirilýän tölegler üçünji-tarap satyjynyň onlaýn töleg ulgamy arkaly amala aşyrylýar. P&G kompaniýasynyň satyn alyşlar üçin berýän kredit karty maglumatyňyza girişi ýokdur we ol şol üçünji-tarap ulgamlar arkaly satyn alyşlaryňyzyň bir bölegi hökmünde kredit karty maglumatyňyzy özünde saklamaýar ýa-da paş etmeýär. Onlaýn töleg ulgamymyza berýän şahsy ýa-da maliýe maglumatyňyz şol üçünji tarapyň gizlinlik syýasatyna hem-de ulanyş şertlerine tabyndyr we biz islendik bir şahsy ýa-da maliýe maglumatyny bermezden öň şol syýasatlary gözden geçirmegiňizi maslahat berýäris. Üçünji-tarap e-täjirçilik platformalarymyz hökmünde, P&G häzirki wagtda PayPal we Braintree platformalaryndan peýdalanýar. 

Eger şahsy maglumatyňyzy paýlaşan bir brendiňiz ýa-da biziň bizneslerimiziň biri başga bir kompaniýa satylsa, maglumatyňyz şol kompaniýa bilen paýlaşylar. Şonuň netijesinde, brende ýa-da täze kompaniýa ony ýoklamak barada görkezme bermeseňiz, onda hasabyňyz we ondaky şahsy maglumatyňyz ýoklanylmaz. Siziň şahsy maglumatyňyzy bize siziň hukuklaryňyzy we emlägiňizi goramaga kömekleşýän kompaniýalar bilen ýa-da hukuk goraýjy ýa-da hökümet edaralary tarapyndan talap edilende hem paýlaşmagymyz mümkindir.  

Kontakt maglumaty Bu kategoriýadaky maglumat elementleri atlary (şol sanda lakamlary we öňki atlary), titullary, poçta salgysyny, e-poçta salgysyny, telefon/mobil belgisini we (hasabyňyzyň ygtyýarly ulanyjylary ýaly) degişli adamlar üçin kontakt maglumatyny öz içine alýar.

Umumy demografik we psihografik maglumatlar Bu kategoriýadaky maglumat elementleri ýaş aralygy, nika we maşgala ýagdaýy, söwda ileri tutmalary, gürlenilýän diller, wepalylyk we sylaglar programmasy maglumatlary, hojalygyň demografik maglumatlary, sosial media platformalaryndan alnan maglumatlar, bilim we hünär maglumaty, hobbiler we gyzyklanmalar, şeýle hem üçünji taraplardan alnan ýykgyn edijilik utuklary (satyn almak ähtimallygy, möhüm durmuş wakasyny başdan geçirmek we ş.m.) ýaly şahsy häsiýetnamany we ileri tutmalary öz içine alýar.

Amal we täjirçilik maglumaty Bu kategoriýadaky maglumat elementleri müşderi hasaby maglumatyny, hünär taýýarlygy derejesi maglumatyny, satyn alyş taryhyny we dahylly ýazgylary (yzyna gaýtaryşlar, önüm hyzmaty ýazgylary, tölegleriň ýazgylary, karzlar we ş.m.), önümleri we programmalary göçürip almak hem-de satyn almak bilen baglanyşykly ýazgylary, sarp edijiniň hakykylygyny barlamak üçin ýygnalýan biometrik-däl maglumaty (parollar, hasap howpsuzlygy soraglary), müşderi hyzmat ýazgylaryny öz içine alýar.

Özboluşly ID-ler we hasaplaryň jikme-jikligi Bu kategoriýadaky maglumat elementleri özboluşly ID belgisini (müşderi belgisi, hasap belgisi, abuna belgisi, sylaglar programma belgisi ýaly), ulgam identifikatorlaryny (şol sanda ulanyjy ady ýa-da onlaýn şahsyýetnama), enjam reklamaçylaryny, reklama ID-lerini we IP salgysyny öz içine alýar.

Onlaýn we tehniki maglumatlar Ol internet ýa-da beýleki elektron işjeňlik maglumatyny öz içine alýar. Bu kategoriýadaky maglumat elementleri şulary öz içine alýar: IP salgysy, MAC salgysy, SSID-ler ýa-da başga enjam identifikatorlary ýa-da hemişelik identifikatorlar, onlaýn ulanyjy ID-si, şifrlenen parol, enjam häsiýetnamasy (brauzer maglumaty ýaly), web-serwer loglary, programma loglary, geziş maglumaty, görüş maglumaty (TW, akdyrma), websaýt we programma ulanyş, birinji-tarap kukiler, üçünji-tarap kukiler, fleş-kukiler, Silverlight kukileri, web-maýaklar, arassa gif-ler we piksel bellijekleri.

Çaklanylýan maglumat Ol şu bölümde görkezilen başga maglumatlardan öndürilen maglumatlary öz içine alýar. Gatnaşygymyzy we amal maglumatymyzy seljermek arkaly çaklanylýan we öndürilýän maglumat elementlerini döredýäris. Bu kategoriýadaky maglumat elementleri içerki analitika programmalary tarapyndan döredilen ýykgyn edijilikleri, atributlary we/ýa-da utuklary öz içine alýar.

Takyk geografik ýerleşiş Bu kategoriýadaky maglumat elementleri (giňişlik/uzynlyk ýa-da käbir ýagdaýlarda IP salgysy ýaly) takyk ýerleşişi öz içine alýar.

Saglyk bilen baglanyşykly maglumatlar Ýygnalyş usulyna görä, maglumat elementleri şulary öz içine alýar:

• Sarp ediji programmalaryndan ýygnalýan maglumatlar

  • Umumy saglyk we alamat maglumatlary

  • Dogrum senesi ýaly göwrelilik baglanyşykly maglumatlar

• Öz habardar razylygyňyzy beren ýeriňiz bolan Sarp edijiler boýunça ideg-gözleg işleri

  • Fiziki ýa-da psihiki saglyk, keseliň ýagdaýy, keseliň taryhy ýa-da keseliň bejergisi ýa-da anyklaýşy, alnan dermanlar barada maglumat we degişli maglumatlar

Maliýe maglumaty Bu kategoriýadaky maglumat elementleri bank hasaby belgisini, rekwizitleri we töleg karty maglumatyny (meselem, bir brend bilen gönümel satyn alanyňyzda ýa-da bir brendden karz alanyňyzda) öz içine alýar.

Döwlet tarapyndan berlen ID-ler Bu kategoriýadaky maglumat elementleri döwlet ID-sini we salgyt ID-sini (meselem, şol maglumatlary ýygnagymyz talap edilýän ýerlerdäki ýurisdiksiýalarda bäsleşigiň ýeňijileri üçin) öz içine alýar.

Audio-wizual maglumatlar Bu kategoriýadaky maglumat elementleri fotosuratlary, wideo şekilleri, CCTV ýazgylaryny, Çagyryş merkeziniň ýazgylaryny we jaň gözegçilik ýazgylaryny, şeýle hem, sesli poçtalary (meselem, ideg-gözleg üçin, desgalarymyza geleniňizde ýa-da bize jaň edeniňizde) öz içine alýar.

Akylly enjamlar we Sensor maglumaty Bu kategoriýadaky maglumat elementleri akylly enjam ýazgylaryny, IoT önümlerini (meselem, Oral B programmasyna birigen diş çotgasyndan) öz içine alýar.

Çagalar barada maglumatlar Bu kategoriýadaky maglumat elementleri sizde näçe çaga bardygyny, çagalaryňyzyň arlyk ölçeglerini, olaryň jynslaryny we ýaşlaryny öz içine alyp biler.

Biometrik maglumatlar Bu kategoriýadaky maglumat elementleri ýüz tanamak maglumatyny, şeýle hem, deňeşdirmek üçin saklanylýan şablon ýaly, biometrik identifikatoryňyzyň matematiki aňlatmasyny (meselem, saglygy goramak ylmy-barlag işleri üçin) öz içine alýar. Eger hukuky ýa-da kadalaşdyryjy maksatlary berjaý etmek, ýa-da öz kanuny bähbitlerimizi amala aşyrmak ýa-da goramak üçin has uzak wagt saklamagymyz talap edilmese, onda biz bu biometrik maglumaty şahsyň biziň bilen iň soňky täsirleşmesinden soňra üç ýyldan köp saklamarys. Biz şeýle biometrik maglumatlary gorap saklamak we zerur bolanda, hemişelik ýoklamak ýa-da aýyrmak üçin täjirçilik taýdan makul bolan protokollary durmuşa geçirdik.